أبعاد الخفجي – أحمد غالي:
شكى عدد من أولياء أمور الطالبات في مدرستي الإبتدائية التاسعة بحي الفيصلية “الكيلو 8” والمدرسة الإبتدائية الثامنة بحي الخالديه “المحدود” بالخفجي، من الإنقطاع المتكرر للتيار الكهرباء على المدرستين منذُ بداية العام الدراسي مطلع الأسبوع الحالي، إضافة إلى تذمرهم من سوء المباني المستأجره.
وذكر المواطن سعد الشمري أن الإنقطاع يتكرر عدة مرات باليوم على الإبتدائية التاسعة، ما تسبب بمتاعب للطالبات في ضل شدة الأجواء الصيفيه الحاره، مشيراً إلى أن المدرسه قابله للإشتعال في أي وقت بسبب الكهرباء.
وأضاف أحمد الحصيني عن المدرسة ذاتها، أن وضعها في مبنى مستأجر يرثى له، حيث أنه غير صالح علمياً ولا تربوياً للطالبات، لافتاً إلى أنه بالرغم من أن التيار الكهربائي يتعرض للانقطاع باستمرار منذ العام الماضي إلا أن المدرسة لم يتغير حالها ولم يتم تدارك الامر خلال الإجازة الصيفية الماضية.
وقال: لدينا معلومات تفيد بأن شركة الكهرباء مستعدة على زيادة الكهرباء للمدرسة ولكن مقابل دفع رسم بقيمة 1500 ريال، ولكن بسبب سوء الخلاف بين التعليم و مالك المبنى أصبحن الطالبات ضحية لهذا الوضع المزري.
فيما أضاف والد إحدى الطالبات (تحتفظ الصحيفه بإسمه) أن إنقطاع التيار الكهربائي يتكرر كذلك في الإبتدائيه الثامنة، في وضع ينبئ بخطوره بالغه وإحتمالية نشوب حريق بسبب الكهرباء والمبنى القديم المستأجر، مطالباً مكتب التعليم بضرورة معالجة الإنقطاع وإيجاد حل للمبنى السيء.
التعليقات 11
11 pings
إنتقل إلى نموذج التعليقات ↓
عبدالله
08/27/2015 في 12:43 م[3] رابط التعليق
السسسسلام عليكم
بصراحه انا من الغيروين على مصلحة الخفجى …ولكن اكثر التعليقات ..لا تظهرها جريدكم التى حسبناها غيوره على الخفجى مثلنا …..نعم ننقد الخطا ونحاول اصلاحه ..ولكن لا تساعدوننا .
وبذلك نتجه الى تويتر افضل وبكل حريه وليست مصلحيه ومزاجيه ..واتحدى تطلعون كلامى .
زائرمها
03/19/2016 في 1:43 ص[3] رابط التعليق
تربصفي كل يوم اشم ريحت كهرباء
Moya
08/27/2015 في 2:03 م[3] رابط التعليق
عسى مااااااااشر مدرسه حكوميه ينقطع كهربائها لا وبعد في بيت عادي الناس وصلت للقمر الا متى وانتم تحت الارض حتى مب عليها وين التعليم امانه مرتاحين كذا والله لو انا موظفه فيها ما اداوم الين يسنعونها اصلن بس اشوفها حسيت بمرض من كثر الجراثيم والمستنقع الي عند الباب وشو ذا نهر ؟؟ لو انا ام لطالبه عندهم على طول اسحبها ماخلصت المدارس وعلى كل حال هي رايحه مع سواق حتى يوم كنت فالابتدائي مدرستي اكشخ منها وانظف
تمسوح
08/27/2015 في 2:25 م[3] رابط التعليق
على فكره بعد السطح في فصل للطالبات مايخافون الله
أبو عمر
08/27/2015 في 2:27 م[3] رابط التعليق
السلام عليكم انا أحد اولياء الأمور في المدرسه التاسعه بحي الفيصليه والله ياجماعة الخير المدرسه زباااااله من داخل المديره غير متعاونه مع أولياه الأمور نقولها رتبي المدرسه عدلوها أصبغوها خلوها تصير على الأقل شوي كويسه تقول حنا نرسل للمندوبيه والمندوبيه ماترد علينا ورحت اليوم للأخ راشد الطاحوس مدير مكتب التعليم وماقصر الرجال شرحت له الوضع وقال لي حنا من أمس متواصلين مع سكيكو بخصوص إنقطاع التيار وجو سكيكو وركبوا بريكر جديد ولكن حصلت قصه امس نسيت اذكرها لكم ألا وهي ان عند تكرار إنقطاع التيار على المدرسه مكتب التعليم إستدعوا مالك العقار وقام موظف سكيكو بشرح المشكه للمالك بأنه لازم يغير طبلون الكهرباء ويضع طبلون يتحمل كهربة المدرسه إلا انه رفض وقال بالحرف الواحد ماراح ادفع ولا ريال ليش ياخي عشان ماعندك بنات لك داخل المدرسه مالك شغل فيها ، وعندما قابلت الأخ راشد الطاحوس قال لي بالحرف الواحد إذا مادفع للطبلون الجديد راح يخصم من أجاره السنوي وشرحت له بخصوص الطاولات والكراسي بأنها مكسره وغير صالحه للجلوس عليها والدراسه وقال لي بأن هذا من واجب مديرة المدرسه قال لي المفروض تدخل على موقع الوزاره وتطلب من خلال النت واقا من أبوعين راح توصل الطلبات مثل مكيفات كراسي طاولات ولكن لاحياة لمن تنادي
أبو عمر
08/27/2015 في 2:43 م[3] رابط التعليق
حبيت بس اوضح نقطه ماذكرتها الا وهي ان مديرة المدرسه كل ما تروح زوجتي للمديره وتشرح لها أن الكراسي والطاولات غير مهيئه للدراسه وانها مكسره تقول نرسل للمندوبيه والمندوبيه مايجيبون لنا شي شرحت هذا لمدير المكتب التعليم وقال لي هذا كلام غير صحيح لابد للمديره أن تدخل على موقع الوزاره ويكون لها حسلب تدخل عليه وفي بند في الموقع ألا وهو الإحتياجات المدرسيه وتدخل عليه وتضع إسم المدرسه والمنطقه وتطلب اي شي ناقص عندها بخلال إسبوعين راح يوصل لها ماطلبته والله ياأخواني وأخواتي الوضع مزري بالمدرسه تخيلوه كأنها جاخور غنم لاقدر الله لو يصير حريق في المدرسه لايوجد في المدرسه مخارج طواريء للطالبات هذا كوم والمعلمات كوم اول مره اشوف معلمه تطلع بدورة إنتداب والفصل لايوجد معلمه تدرسهم الماده نقول للمديرة الوضع مش صحيح تقول الوزاره إلي ارسلوها بدوره زين مافي مشكله الوزاره ارسلوها بدوره وفري معلمه تدرسهم الماده تقول ماعندي والله هذا إلي صار هذا الكلام السنه إلي فاتت وأخير شي تجمع الطالبات الفصليين بفصل واحد والله بنتي تقول قاعدين على الرض وندرس عشان المعلمه مالها خلق تعطي الطابات أو تشرح لهم مرتين كل هذا عشان المعلمه تطلع بدري عشان تسوي غدا حق زوجها ياخي هذي مديرة مدرسه بالله ردوا علي هل هذا تصرف مديرة مدرسه؟ أقول لمديرة المدرسه خافي الله في البنات والله يمهل ولا يهمل
Moya
08/27/2015 في 7:38 م[3] رابط التعليق
انا كتبت ولا حطو كلامي ع اني ماقلت الا الي بخاطري ولا اخطيت على احد ابو عمر كلامك صراحه يقهر ولو انا منك انقل بنتي مالله حادك حطو ع ذا المدرسه اكس مب من كبر الخفجي الشي الثاني عسى ماشر مافيه معلمات الخفجي مليانه معلمات عاطلات هذي مب كفو تدريس طلعوها وحطو وحدها بدالها متعطشه ع الوظيفه ادرس عدل هذي تربيه جيل
عبدالكريم العرفج
08/27/2015 في 11:19 م[3] رابط التعليق
حقيقة مؤلمة انه حتي في مدينتا الهادئة حي يستاهل يخدم وحي لايستاهل
الثامنة وين مكانه الخالدية ( المحدود) والتاسعة وين مكانه الفيصلية ( الكيلو )
اتمني علي راس الهرم الاداري زيارة الابتدائية التاسعه ليعرف سوء الحال
نوف
08/28/2015 في 8:06 ص[3] رابط التعليق
حسبي الله عليهم انا درست بهذي المدرسه وكان يطفى الكهرب وصار حريقه كذا مره والحين الحمدلله تخرجت من الجامعه وللحين المشكله موجوده بهالمدرسه حسبي الله
مشتاااااق
08/29/2015 في 6:14 م[3] رابط التعليق
معقوله هذه مدرسه عندنا بالخفجي بصراحه أنا توقعت هذا في بنجلادش
يا إدارة التعليم بالخفجي أتقو الله وين الحرص على الأطفال هذه المدرسه حتى وسائل السلامه مافيها وبعد إيجار
الله يعين الطلاب
أبو عمر
08/30/2015 في 8:40 ص[3] رابط التعليق
السلام عليكم أبعاد الخفجي في أجزاء من تعليقاتي محذوفه ليش زانتم تقولون عندنا المصداقيه وين المصداقيه وانتم حاذفين أجزاء واجد من تعليقاتي على كذا الواحد ماعاد يرسل لكم وزي ماقال الأخ إلي علق اول شي لابد نروح لتويتر وناخذ حريتنا فيه انا ماغلطت على أحد الكلام إلي قلته ماهو من نسج الخيال هذا الصحيح بس مع الأسف خيبتوا آمالنا فيكم