زان الكلام وذعذع النسناس نفحاته عطر
تبسمت نفس الحزين وطاب من نفح النسيم
البرق لاح وفوق جرد البيض ماوقّف مطر
من وين ماناظرت في عرض السماء تلقاه غيم
غيثه على مْد الخليج وفيضته دوحة قطر
دولة سديد الراي قاد وساد ولّشعبه كريم
شيخٍ تسلسل من سلالة شيخ في راسه سطر
شيخٍ وعقبه شيخ بافعاله حمد خلّف تميم
تزهابه اجزال القصايد تبني شطر شطر
المدح مايوفيه حقه يوم عطفه مستديم
فيه الثناء ماينحصى لو ينّكتب سطر سطر
حاتم زمنّا يوم حاتم ذاك بالوقت القديم
شيخٍ سما عهده سما لعيون حساده فطر
عهده رخا مده صخا ولا ارتخا حازم حليم
كمل مسيرة نهضه وُتطوير والعايش بْطر
خيره هنا فيه المواطن واهتنا فيه المقيم
يوم اكتسح بعض الدول ثورات والحاله خطر
الشعب في دولة قطر مْتماسك وُضّعه سليم
الشاعر والإعلامي حمد الدليهي
ممثل مجلة الريان القطرية بالسعودية
منسق فعاليات الشعر بالخفجي
