[caption id="attachment_893" align="aligncenter" width="100"] مشبب البشري[/caption]

    لاهنت ياسلمان وافي الخصايل                  ياتاجنا يافخرنا ياسندنا

     ذخر الجزيرة من شعوب وقبايل               في عهدك الزاهي تطور بلدنا

    واخر فعولك ياعظيم الفعايل                    جيراننا قبل أمس جاها سعدنا

    من يوم حمل الجور طاح وتمايل              كنك تقول اللي نخانا وجدنا

    سويت فعل الجار والراس طايل                كَنا على وجه البسيطة وحدنا

    ولاهي غريبة ياعريب السلايل              نفخر بفعلك عند من هو نشدنا

     قدت العروبة في عزوم وصمايل             وأثبت للعالم معالم جهدنا

    وقلعت باب الخوف والشك زايل                وأثبت للي في جميلك جحدنا

     اللي على الإسلام يبغى التحايل                  له موعدٍ يبشربه اليا وعدنا

     واللي ورى عمق البحر لك يخايل            الموج قدامه ويسمع رعدنا

  ياخادم البيتين راعي الجمايل                      من حكمتك ياسيدي.. إستفدنا

                                                                                                                                              الشاعر / مشبب البشري