[caption id="attachment_190642" align="alignnone" width="680"] الشاعر/ نمر بن مجمل[/caption]

 بسم الله أبدى خير مانبتدي به     في ساعة والحرب دقت طبوله
في شرعنا بانت معزة وهيبة       هيبة لشرع الله وسنة رسوله
اللي ماحسًبنا ترانا نهيبة             واللي تطاولنا ترانا نطوله
يامرحباً بالموت لوهو مصيبة         وميتًم اللي في سنين الطفولة
الموت دون الدين حن نهتنيبه        نصر وشهادة هذي أكبر بطولة
عدونا صارت حياته صعيبة             ذل وهوان كل شي يهوله
وان مات يصلى وسط نار لهيبة     ماهو بقولي قول ربي وقوله
مانعتبر وقفة ملكنا غريبة             لملوكنا في الحق صوله وجولة
على الشريعة والنبي تقتدي به    الشرع مايفنى مادام اعتزوا له
من طاب طابوا له ويهنى بطيبه    ومن خاب فالخيبة تراها محصولة
لاوالله إلا فعلهم بنحكي به           والفخر ياهل الفخر هذي أصوله
سلمان ذيب نفتخر في قنيبه        الشر برك من قنيبة ذلوله
الشرع بعد الحزم ماله ذهيبه       ياويل عين اللي نوى أنه ينوله
هذا وهو ماحرك إلا كتيبه            أرهب عدو الله وثقلت حموله
يمناه مقرن لاعتزا يعتزي به        وليا زهم مقرن يلاقيه حوله
أنا معك واللي تجيبه تجيبه          الحرب حنا له وحنا فحوله
اقيادة عظمى والأريا مصيبة        محمد ولد نايف عظامٍ فعوله
سياسته فافت سياسة طليبه    وسعود ابن فيصل لياجات صوله
سياسي محنك على كل ريبة      رباه فيصل على الشيم والرجوله
سماه بسم سعود سعد لقريبة   وعود يخلي راس الأعداء امخلوله
وحنا الحرس حد الوطن نعتني به  أرواحنا للموت دونه عجوله
تبقى بفضل الله حدود قطيبه       ماجاتها نفوس العداه الحيوله
واليوم تنعم مملكتنا الحبيبة         في نعمة ما خاشرت كل دولة
عيال عود قرم روس صليبة         عدوها تقضي عليه بسهوله

الشاعر/ نمر بن مجمل