استغفر الله من ذنوبك يا زمان
يا كيف جهال المعارف تسكنك

يا جاهل التاريخ ما تملك مكان
هذا اختلافة موطني عن موطنك ..

( الكلمه اللي ما يقدًرها اللسان
ترجع على ساسك وقيمة معدنك )

ما يستهين الا الذي دايم مهان
تستعفن العالم ترى تستعفنك

ماني ملك دوله وعندي صولجان
لي سلطةً تعرف خوافي مزبنك ،..!

خلك بـ ليله دان ليله دان دان ..!
وطق إصبعك وتدلعنه ويدلعنك ..!

حنا نغنًي في كتاباتً سمان..
وانته تغني .. ميجنا ع الميجنك

لا تفتش جيوب الزمن تلقى الهوان
بعض الورود البارزه لا تفتنك ..!

بعض الورود الشوك فيها ما يبان
حاول تميًز من يسارك ، وايمنك

السرج ركبه سهل من شدً العنان
يوم الاعنًه في مسارك تضمنك

ياليتني ، ياعلني ، يا لوً ، كـان
عن نيلة الامجاد لازم تركنك ...!

طيحة شموخ وعقبها ، قوم اتزان
اخير من طيحه عليها مجبنك ..!

مجنون ليلى ما خذى غير الجنان ..
با بنت روفي بالحشا ، لمجننك ..!!

قلبً خذيتي ما بقى غير الحنان ..
يلعب على شانك حدى ويهيجنك ...

ردًيه لي ،، يا بنت يا نور الزمان
اخاف من نزف المشاعر يحزنك ..

و ياحرً ياللي لي تعاتب بالمكان
تبقى اختلافة موطني عن موطنك

اقول لك خلك بليه ( دان دان )
وطق اصبعك وتدلعنه ويدلعنك ...