حان الوعد والدين دين الله ونحسب له حساب
هذي سياسة مملكتنا الغاليه وفروضها
من دون دين الله حماويه ولا والله تهاب
تفتل لعدوانه فتل والموت في منقوضها
صار الصبر مثل الورق اللي مرتب فالكتاب
ماعاد حصلنا ورقه وحده لجل معروضها
الله يبيض وجه راعي الحزم سلمان الصعاب
اللي عرف كيف يتولجها وكيف يروضها
على يمينه سم وابشر وامره ان قاله مجاب
محمد ولد نايف يعرف وضوحها وغموضها
ابوه نايف في حياته كم لواله من رقاب
المملكه تفقد اسد ومحمد اللي يعوضها
نفس الشجاعه والصطر وعقاب خلفله عقاب
بعض الدول من هيبته قامت تفيض اغيوضها
والطائراة اللي سرت كنها بروق في سحاب
محمد ولد سلمان قايدها ويسبر نوضها
اركى على منشا العدو واورد بسيل كالركاب
والسيل خلفله دمر في طوالها وعروضها
والعسكر اللي جندوا لجل الطلايب والطلاب
الليا اعتزت حوض المنايا تعتزي به حوضها
عامين عن لبس المشالح والعمايم والثياب
نلبس مموه ونتعزوا والحروب نخوضها
نحمى الوطن بارواحنا مالحقنا لوم وعتاب
واقلوبنا كنها حجر مازاد دق نبوضها
قل للعذارا لايخلون التكحل والخضاب
واللي فقدت اخ وابوا ربن كريم ايعوضها
دمه مثل وبل المطر الليا انتثر فوق التراب
ينبت لنا عز وشرف والارض ينبت روضها.

الشاعر نمر بن مجمل